БҚО-да қатты аязда ауыл тұрғындары газсыз қалды
Батыс Қазақстан облысында қатты аязда ауыл тұрғындары газсыз қалды.
15:03 10.01.2023
БҚО ТЖ департаментінің баспасөз қызметінен мәлім еткенінлей, оқиға 10 қаңтар күні Бәйтерек ауданы Махамбет ауылдық округіне қарасты Горбунов ауылында болды.
«Аталмыш елді мекенде сағат 09.25-те газ апаттық жағдайда айырылған. Салдарынан 31 абонент газсыз қалды. Сыртта 30 градус аяз. Газ құбыры «Әлия сервис» ЖШС жеке ұйымына тиесілі. Қазіргі кезде қалпына келтіру жұмыстарына аталған ЖШС-дан 4 қызметкер, 1 техника және «ҚазТрансГазАймақ» АҚ-дан 4 қызметкер, 1 техника жұмылдырылды», - деп хабарлады ведомстводан.
Сонымен қатар осы ауданның Трекин ауылында газ қысымы төмендеген, бригада жұмыстануда.
«Таңғы сағат 05.00-ден кете электр жарығы сөніп, 10.00-де жанды. Біраз уақыттан бері газдың қысымы шамалы, жылтырап жанып тұр», - деді Трекин ауылының тұрғыны Қуаныш Таубаев.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
