Қостанайда құбыр жарылып, бірнеше көпқабатты тұрғын үй сусыз қалды
Қостанай қаласындағы Тәуелсіздік көшесі бойында тозған құбыр жарылып, 4 көпқабатты тұрғын үй мен Халыққа қызмет көрсету орталығы сусыз қалды.
16:09 10.01.2023
Бұл туралы «Қостанай-Су» қалалық коммуналдық кәсіпорнының баспасөз қызметі хабарлайды.
«Тәуелсіздік көшесі 105 мекенжайы маңында тозған құбырдың жарылуы туралы хабарлама 10 желтоқсан күні сағат 11:00-де түсті. Жөндеу жұмыстарына арнайы бригада қызметкерлері мен 3 техника жұмылдырылды. Осыған байланысты Тәуелсіздік көшесіндегі №105, 107 көпқабатты үйлер мен Халыққа қызмет көрсету орталығы және Козыбаев көшесіндегі № 96, 98 үйлер судан ажыратылды», - деп мәлім етті «Қостанай-Су» коммуналдық кәсіпорнының баспасөз қызметінен.
Мәлім болғандай, құбырды қалпына келтіру жұмыстарын бүгін аяқтау жоспарланған. Бұл аралықта тұрғын үйлерге арнайы техникамен су жеткізіледі.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
