Ушығатындай мәселе жоқ - министрлік армян көліктерін тіркеуге қатысты
Елімізде Армениядан әкелінген көліктерді тіркеу және оларды аталған елден шығару мәселесі қалай шешіліп жатыр.
15:03 16.01.2023
Толығырақ Ішкі істер министрлігі Әкімшілік полиция комитеті төрағасының міндетін атқарушы Қайсар Сұлтанбаев айтып берді.
«Елге әкелінген армян көліктеріне қатысты бірқатар сұрақ туындап жатыр. Соңғы 2-3 жыл ішінде аталған елдің біраз көлігі уақытша тіркелді. Армян автокөліктерін заңдастыру қаралып, мәселе толығымен шешіледі. Арменияның Ішкі істер министрлігімен көліктерді тіркеуден шығару бойынша бірлескен іс-шара өткізілуде. Сырттан бөлшектеніп жеткізіліп, елде құрастырылған көліктерге қатысты мәселе де қарастырылып жатыр. Бастысы көлік иесі тиісті құжаттарды өткізсе болғаны. Ушығатындай мәселе жоқ», - деді Қайсар Сұлтанбаев министрлікте өткен баспасөз мәслихатында.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
