Aystralian open-2023: Елена Рыбакина үздік нәтиже көрсетуде
Қазақстанның бірінші, әлемнің 25-ракеткасы Елена Рыбакина Аустралия ашық чемпионаты алғашқы күнінің қорытындысы бойынша доп беруден үздік көрсеткішке қол жеткізді.
Фото: Қазақстан теннис федерациясы.
09:21 17.01.2023
Қазақстан теннис федерациясынан мәлім еткеніндей, Е.Рыбакина италиялық Элизабетта Коччареттомен матчта екінші сеттің соңында 195 км/сағат жылдамдықпен доп берді.
Бұл осы уақытқа дейін әйелдер арасында үздік көрсеткіш болып табылады.
Осы «Үлкен дулыға» додасының 22-ракеткасы болып тіркелген қазақстандық теннисші ертең екінші айналымда дүниежүзілік рейтингте 104-орында тұрған словениялық Кайя Йуванмен кортқа шығады.
Тағы бір қазақстандық Юлия Путинцева бүгін румыниялық Сорана Кырстямен алғашқы кездесуін өткізеді.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
