Қазақстан іздеу салған 50 адам шет елдерден экстрадицияланды
2022 жылы іздеуде жүрген адамдарды ұстап беру туралы 50 сұрау салу шет мемлекеттер тарапынан қанағаттандырылды. Бұл туралы ҚР Бас прокуратурасынан мәлім етті.
13:39 17.01.2023
Мысалы, өткен жылы Бахрейн Корольдігінен кәмелетке толмағандар саудасына, атап айтқанда, қыздарды Қазақстаннан Бахрейнге жыныстық пайдалануға жібергені үшін күдікті А.Пичугина ұсталып, елімізге берілді.
Сол сияқты «РБК банкі» АҚ-ның 15 млн АҚШ долларынан астам қаажатын ұрлады деген күдікті В.Власов, қаржы пирамидасын («Qi TRADE Kazakhstan», «Выгодные займы») құрғаны және басшылық еткені үшін іздеуде жүрген С.Абсаметова, Б.Томин және Е.Шарифуллин, құрамында 1 млрд теңгеден астам сомаға бағаланған алтыны бар материалды қылмыстық топтың құрамында ұрлағаны үшін А.Тимаков Ресей тарапынан ұстап берілген.
«Трансұлттық ұйымдасқан топтың құрамында аса ірі мөлшерде алтын мен зергерлік бұйымдардың экономикалық контрабандасы үшін іздеуде жүрген Тастан Эбубекирді ұстап беру туралы сұраныс Қырғызстанмен қанағаттандырылды. Атыс қаруын қолдану арқылы ауырлататын мән-жайда кісі өлтіргені үшін іздеуде жүрген О.Иссалы мен Б.Исабеков Тәжікстаннан экстрадицияланды. Алаяқтық жолымен 288 млн теңгені ұрлағаны үшін Қазақстанның құқық қорғау органдары іздеп жүрген А.Смалбаеваны Өзбекстан тарапы ұстап бер», - деп атап өтеді Бас прокуратурадан.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
