Бүгін тоғыз қалада ауа сапасы бұзылуы ықтимал
21 қаңтарда Қазақстан аумағының басым бөлігінде қолайлы метеорологиялық жағдай сақталады.
08:09 21.01.2023
«Қазгидромет» РМК баспасөз қызметі таратқан мәліметке сенсек, 21 қаңтар, сенбі күні еліміздегі қалалардың басым көпшілігінде метеорологиялық ахуал бірқалыпты болады.
Тек Қостанай, Қарағанды, Теміртау, Өскемен, Семей, Риддер, Ақтөбе, Астана және Алматы қалаларында ауа сапасы нашарлайды.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
