Танымал композитор Арман Дүйсенов қайтыс болды
Әнші Индира Елемес белгілі композитор, продюсер Арман Дүйсеновтың өмірден өткенін мәлімдеді.
12:20 24.01.2023
Бұл туралы әнші қалың жұртқа Instagram-дағы парақшасында естіртті.
"Арман ағау! Неге олай? Иманы саламат болсын, мекені жәннәт болсын", - деп жазды әнші.
Арман Дүйсенов 1974 жылы Батыс Қазақстан облысы Орал қаласында туған. 1997 жылы Құрманғазы атындағы Қазақ ұлттық консерваториясын тәмамдағаннан кейін ҚР Халық әртісі Райымбек Сейтметов негізін қалаған «Өнер» факультетінің Музыка және орындаушылық өнер кафедрасында сабақ береді. Ол осы аралықта республикалық және халықаралық конкурстарда топ жарған жас талантты әншілер мен актерлердің тұтас буынын тәрбиелеп шығарды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
