Сәбиді хиджама әдісімен емдеу дерегі тексеріледі - министр
ҚР Денсаулық сақтау министрі Ажар Ғиният сәбиді хиджама тәсілімен (ағзадан қан шығару) емдеу мәселесіне қатысты пікір білдірді.
Фото: instagram.com/dinatansari
17:13 26.01.2023
«Бүгінде адамдар дәстүрлі емес медицинамен айналысып жүр. Қалай болғанда да олар медициналық көмек көрсетсе, тиісті лицензияны алуы керек. Қазіргі кезде лицензияланатын медициналық қызметке хиджама жатпайды. Сондықтан Комитет (медициналық-фармацевтикалық бақылау) бұл деректі қарап, тексеру жүргізеді. Алдағы уақытта осы мәселелерді қарастыратын боламыз», - деді А. Ғиният.
Атырауда баланың бетін тіліп «емдегені» туралы ақпарат бұған дейін «НеМолчиKZ» қорының парақшасында пайда болды. Қор өкілдерінің айтуынша, процедура хиджама орталығында жүргізілген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
