Алматылық онкологтар науқасқа бір уақытта екі күрделі ота жасады

Алматы онкологиялық орталығына 64 жастағы әйел асқазан аймағындағы қатты ауру сезімімен келді. Дәрігерлер науқасты тексеру барысында өңеште қатерлі ісікті анықтады. Осыған орай консилиум өтіп, нәтижесінде ота жасау ұсынылды, өйткені өңеш қатерлі ісігі ең агрессивті онкологиялық аурулар санатына жатады.

Осылайша науқас онкохирургия бойынша ауруханаға жатқызылды. Қосымша тексеру барысында дәрігерлер әйелде оң жақ өкпенің жоғарғы бөлігінің онкологиясы бар екенін анықтады.

«Науқасқа қайталама клиникалық талдау жүргізілді, онда бір уақытта екі ота жасау шешімі қабылданды: кеңейтілген (радикал) ота - Льюис немесе Айвор Льюис отасы және реконструктивтік пластикалық хирургия: сынамен жоғарғы лобэктомия, негізгі және аралық бронхтың пішінді резекциясы, жүйелі лимфа түйіндерінің диссекциясымен бронхаралық анастомоз. Әр отаны бөлек жасау науқасқа физикалық және психикалық түрде қиынға соғар еді», - дейді онкохирургия бөлімшесінің меңгерушісі Нұрлан Балтаев.

Льюис отасы ашық әдіс болып табылады, ота екі тәсілмен - абдоминальды және кеуде қуысы арқылы жасалады, өйткені өңештің ерекшелігі - ол дененің бірден үш бөлігінде орналасқан жалғыз орган - мойын, кеуде және құрсақ қуысы. Сондықтан үш аймақты ота жасалды.

Ота барысында онкохирургтер Нұрлан Балтаев пен Рүстем Ирсалиев кеуде қуысының өңешті қоршаған тіндерін және лимфа түйіндерін алып тастады. Содан кейін науқастың асқазанынан түтік түрінде арнайы трансплантация жасалды, содан кейін ол кеуде қуысына ауыстырылды және өңештің сақталған бөлігіне қосылды. Нәтижесінде асқазан бірден екі органның - өзінің  және өңештің рөлін атқаратын болды.

Содан кейін дәрігерлер бронхтың жоғарғы бөлігін алып тастау үшін екінші хирургиялық процедураға көшті. 

Екі ота да сәтті өтті, науқас қазір палатада және оған барлық қажетті медициналық көмек көрсетіліп жатыр.

Онкологияда өңеш пен бронхтың қатерлі ісігіне бір мезгілде екі ота жасау күрделілігі жоғары санатқа жататынын атап өту маңызды, мұндай күрделі ота жоғары хирургиялық дағдыларды ғана емес, сонымен қатар қуатты реанимациялық ресурстарды қажет етеді.

«Қазір біздің науқастың жағдайы жақсы, өзін жақсы сезінеді. Алда оны қатерлі ісік ауруынан оңалту бағдарламасы күтіп тұр», - деп түйіндеді Нұрлан Балтаев.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!