Талдықорғанда 270 ақбөкеннің мүйізі тәркіленді
Талдықорғанда ақбөкен мүйізін сатуға тырысқан төрт адам ұсталды, деп хабарлайды ҚазАқпарат.
10:34 07.02.2023
Күдіктілер Ravon Nexia және Mazda көліктерімен жүрген. Ұстау кезінде үшеуі көліктердің бірінде жасырынуға тырысқан.
Ақбөкеннің 270 мүйізі тәркіленді. Ұсталғандар 1982-2000 жылдары туған Алматы қаласы, Жамбыл және Алматы облыстарының тұрғындары екендігі анықталды. Барлығы облыстық полиция департаментіне түсінік беру үшін жеткізілді.
«ҚР ҚК-нің 339-бабының 2-бөлімінде «Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу» көзделген тергеу амалдары басталды», - делінген Жетісу облыстық полиция департаменті баспасөз қызметінің хабарламасында.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
