«7-20-25» бағдарламасы 2029 жылға дейін жалғасады
ҚР Ұлттық банкінің төрағасы Ғалымжан Пірматов Мәжіліс депутаттарының сауалына берген жауабында «7-20-25» бағдарламасы туралы айтты, деп хабарлайды ҚазАқпарат.
12:31 10.02.2023
«2021 жылы 7 бағдарламаның 5-ін қаржыландыру тоқтатылды. Аяқталған бағдарламалардың бюджеті 2,6 трлн теңге құрды. Болашақта тағы 2 бағдарлама аяқталады деп күтілуде, олар «7-20-25» бағдарламасы және импортты алмастыруға және жаңа өндірістер құруға бағытталған «Қарапайым заттар экономикасы». Алайда түрлі жағдайлар ескеріліп бағдарлама 2023 жылдың соңына дейін жұмыс істейді», - делінген Ғалымжан Пірматовтың жауабында.
Осы жауапқа орай ҚазАқпарат тілшісі Ұлттық банкке хабарласып «7-20-25» бағдарламасының нақты қай уақытқа дейін жалғасатынын сұрады.
Банктің хабарлауынша мемлекеттік «7-20-25» бағдарламасы 2029 жылға дейін жалғаспақ.
Жалпы Ұлттық банк болашақта мемлекеттік бағдарламаларға қатысу үлесін төмендетпек.
«2021 жылы 7 бағдарламаның 5-ін қаржыландыру тоқтатылды. Аяқталған бағдарламалардың бюджеті 2,6 трлн теңге құрды», - деп жазады Ғалымжан Пірматов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
