ШҚО-да қария мен тағы екі адам жол апатынан көз жұмды
Бүгін Өскемен-Рахман қайнары республикалық маңызы бар автожолында Топқайың және Катонқарағай ауылдары арасында ВАЗ-208 және Lada Granta автомобильдерінің қатысуымен жол апаты болды.
Фото: t.me/POLICE_of_KZ
20:12 13.02.2023
Салдарынан ВАЗ-2108 көлігінің 87 жастағы жолаушысы оқиға орнында мерт болды. ВАЗ-2018 көлігінің 19 жастағы жүргізушісі және Lada Granta-ның кәмелетке толмаған жолаушысы Катонқарағайдағы ауруханада қайтыс болды.
ҚР ҚК-нің 345-бабы, 4-бөлігімен сотқа дейінгі тергеу басталды.
Бірқатар сот сараптамалары тағайындалған, оның нәтижесі бойынша процестік шешім қабылданады.
Қылмыс-процестік кодекстің 201-бабы 1-бөлігіне сәйкес сотқа дейінгі тергеп-тексерудің өзге деректері жарияланбайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
