Алматы полицейлері өз үйінде асылып қалған зейнеткерді құтқарды
Алматы қаласының полиция қызметкерлері пәтерінде асылып тұрған 65 жастағы ер адамды құтқарып қалды. Бұл туралы Ішкі істер министрлігінің онлайн-брифингінде ведомство өкілі Шұғыла Тұрлыбек айтты, деп хабарлайды ҚазАқпарат.
14:04 20.02.2023
«Ол мас күйінде өмірмен есеп айырысуға бел байлапты. Бірақ одан бұрын қоштасу үшін туыстары мен таныстарына хабарласқан. Бірінші болып оның досы 102 нөміріне қоңырау шалған. Суицидке бел байлаған адамның пәтер есігі құлыптаулы болды. Полиция оны амалсыз бұзып кірді. Олар үйге кіргенде жылыту радиаторына асылып тұрған ер адамды көріп, дереу шешіп алған. Ер адамға алғашқы көмек көрсетіліп, дереу сыртқа шығарылып, жедел жәрдем шақырдық», - деп мәлім етті Шұғыла Тұрлыбек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
