«Алматы – Көкпек – Көктал – Қорғас» тасжолын суы шайып кете жаздады
Жол мамандары құмнан бөгет жасап, еріген қар суын бұру жұмыстарын жүргізу нәтижесінде республикалық автожолдың екі жерде шайылып кету қаупін алдын алды, деп хабарлайды республикалық маңызы бар автомобиль жолдарының ұлттық операторы.
Фото: Видеодан алынған кадр
08:06 21.02.2023
Оператордың хабарлауынша, қалыптасқан жағдай «Алматы – Көкпек – Көктал – Қорғас» тасжолының 139 және 142 шақырымдарына қатысты болып отыр. Қазір еріген қар суы көпірдің астымен өтуде.
Еріген қар суы күннің жылынып, тау бөктеріндегі қардың тез еруіне байланысты пайда болды.
«Қазір жағдай тұрақты. Учаскелерде арнайы техника жұмыс істеп жатыр, қажет жол белгілері орнатылды. Жол қозғалысына енгізілген шектеулер жоқ. Тасжол тәулік бойы «ҚазАвтоЖол» ҰК» АҚ Алматы облыстық филиалының ерекше бақылауында болады», - делінген хабарламада.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
