Алматыда полицейлер 6 ғимаратты қоршауға алды
Алматыда 23 ақпанда алты ғимаратқа жарылғыш зат қойылғаны туралы шұғыл байланыс желісіне хабарлама келіп түскен.
Фото: Zakon.kz
18:42 23.02.2023
Қазіргі уақытта қаланың шұғыл қызметтері жарылғыш құрылғылар туралы хабарламаларға қатысты алғашқы ден қою шаралары аясында жұмысқа кірісті. Нысандар тексеріліп жатыр.
Алматы ПД-да атап өткендей, аталған нысандардың бірі – Қазақстан-Британ техникалық университетін тексеру кезінде жарылғыш зат қойылғаны туралы ақпарат расталмады.
Қалған бес нысан әлі тексеріліп жатыр. Оған сапер бөлімшелері мен басқа да мамандар жұмылдырылды.
Полиция азаматтарды жүргізіліп жатқан іс-шараларға түсіністікпен қарауға және жәрдем көрсетуге шақырады.
Дереккөз:Zakon.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
