БҚО-да тікұшақ апатты жағдайда қонды
Батыс Қазақстан облысында шұғыл қонған тікұшақ экипажының арасында зардап шеккендер бар.
Фото: ашық дереккөзден
19:10 23.02.2023
Бұл туралы Азаматтық авиация комитетінен мәлім етті.
Бүгін БҚО-да «Қазавиақұтқару» АҚ тікұшағы апатты жағдайда қонуға мәжбүр болғанын жазған едік.
Азаматтық авиация комитетінен нақтылап өткендей, Чапурино елді мекенінен 6 км қашықтықта болған. Сағат 15:50-де «ҚазТрансОйл» АҚ тапсырысы бойынша құбырды әуеден шолу үшін ұшып шыққан «Қазавиақұтқару»АҚ-ның Ми-8 тікұшағы жерге қатты екпінмен қонған.
«Бортта 5 экипаж мүшесі және 2 жолаушы болған. Алдын ала мәлімет бойынша, жарақат алғандар бар. Оқиға орнына ТЖД қызметкерлері жіберілді. ҚР Индустрия және инфрақұрылымдық даму министрлігінің Көліктегі оқиғалар мен инциденттерді тексеру департаменті тергеу жүргізетін болады», - делінген комитет хабарламасында.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
