АҚШ-та газ құйылған цистерналар рельстен шығып кетті
АҚШ-тың Флорида штатының Ламантин округінде пойыздың 6 вагоны рельстен шығып кетті, деп хабарлайды ҚазАқпарат.
13:14 01.03.2023
Агенттіктің хабарламасына қарағанда, алты вагонның бесеуі аударылған. Олардың төртеуіне гипсокартон, тағы біреуіне пропан газы тиелген. Алтыншы пропан цистернасы рельстен шығып кетті, бірақ аударылмаған. Оқиға орнында медицина мамандары мен өрт сөндіру бригадалары жұмыс істеп жатыр.
Ламантин округі шерифі кеңсесінің мәліметінше, оқиға салдарынан ешкім зардап шеккен жоқ. 30 мың галлон пропан цистерналары зақымданған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
