Ақмола облысында мыңға жуық көлік жолда тұрып қалды
Ақмола облысында ауа райының қолайсыздығына байланысты трассада 1000-нан астам көлік қамалып қалды.
Фото: ашық дереккөзден
14:47 01.03.2023
Ақмола облыстық ПД баспасөз қызметінің мәліметінше, ауа райына байланысты жол-көлік оқиғаларын болдырмау мақсатында 28 ақпанда Ақмола облысында 12 автожолды жабу туралы шешім қабылданды.
«Полиция жасақтары мен басқа да құзыретті органдар күшейтілген режимде жұмыс істеді. Блок-постар қойылды. Жақын маңдағы елді мекендерде жылыту пункттері белгіленді, қосымша экипаждар енгізілді. Жолдың жабылуы мен қарлы боран туралы алдын ала ескертуге қарамастан көптеген көлік жолда қалды. Полиция қызметкерлері 6 колонаға тізбектелген 1000-нан астам көлікті Қостанай және Қарағанды облыстарының, Астана қаласының шекараларына алып жүрді», - деді ведомстводан.
Қазіргі кезде, ауа райына байланысты «Астана – Павлодар» және «Астана – Щучье» трассалары жабық тұр.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!