ШҚО-да жасанды жолмен қар көшкіні болды
Шығыс Қазақстан облысында жасанды жолмен қар көшкіні түсірілді.
Фото: ШҚО ТЖД баспасөз қызметі
18:27 01.03.2023
ШҚО Төтенше жағдайлар департаментінің мәліметіне сүйенсек, өңірде ауа райы жылытып, жел соғуына орай таулы жерлерде қар көшкіні жүру қаупі артып отыр. Сондықтан бүгін «Өскемен-Алтай» тасжолында жасанды жолмен қар көшкінін түсіру жұмыстары жүргізілді.
«Қазселденқорғау» ШҚ филиалының мамандары мен құтқарушылар тау баурайында 5 рет жарылыс жасады. Түскен қардың жалпы көлемі 6800 текше метрді құрады. Көшкін жолды толықтай жауып тастады. «ҚазАвтоЖол» компаниясының қызметкерлері жолды тазалап, көлік қозғалысын қамтамасыз етті», - делінген ақпаратта.
Осы ретте, ШҚО ТЖД қызметкерлері өңір жұртшылығына таулы жерлерге бармау қажеттігін ескертеді.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
