Қазақстандық гимнаст әлем кубогы кезеңінде «алтын» алды
Қатар астанасы Дохада өтіп жатқан әлем кубогы кезеңінде қазақстандық гимнаст Нариман Құрбанов ат үстіндегі жаттығуларда үздік шығып, алтын медаль жеңіп алды, деп хабарлайды Қазақстан гимнастика федерациясының баспасөз қызметі.
Фото: olympic.kz
11:35 04.03.2023
Нариман 15 400 ұпай жинап, ирландиялық және тайпейлік спортшыны шаң қаптырды.
Еске сала кетейік, осы жаттығуларда өнер көрсеткен Ілияс Азизов 14 100 нәтижесімен алтыншы орын иеленді.
Бұған дейін Нариман Құрбанов Германиядағы спорттық гимнастикадан Әлем кубогы кезеңінде қола медальға қол жеткізген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
