Ақтөбеде боранды күні 100-ден астам адам эвакуацияланды
Ақтөбеде Самара - Шымкент тасжолы жабылып, жолда қалған көліктегі адамдар эвакуацияланды.
Фото: Ақтөбе облысы ТЖД баспасөз қызметі
18:03 04.03.2023
Өткен тәулікте ауа райы күрт бұзылып, Самара - Шымкент тасжолының бірнеше бөлігі жабылды. Құтқарушылар жедел әрекет етіп, қар құрсауынан 9 адам құтқарылды. Тағы 106 адам эвакуацияланды.
«Барлығы 7 елді мекенде 15 жеңіл көлік, 366 жүк көлігі, 7 жолаушылар автобусы тоқтатылды. 112 құтқару қызметінен 106 жолаушысы бар 2 автобус жүргізушісі көмек сұрады. Құтқарушылар Өзбекстан азаматтарын Әйтеке би ауылының мешітіне орналастырды», - деп хабарлады облыстық ТЖД баспасөз қызметі.
Сонымен бірге, Мұғалжар ауданы орталығынан 60 шақырым қашықтықта орналасқан ауылда 24 жастағы жүкті келіншекке көмек қажет болды. Құтқарушылар әйелді Қандыағаш қаласының ауруханасына аман-есен жеткізді. Ақтөбе облысының ТЖД жолға шығар кезде хабарламаларды ескеруді сұрайды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
