СІМ Тоқаев пен Мирзиёевтің Шымкенттегі бейресми кездесуіне қатысты пікір білдірді
ҚР Сыртқы істер министрлігінің ресми өкілі Айбек Смадияров Қазақстан Президенті Қасым-Жомарт Тоқаев пен Өзбекстан Президенті Шавкат Мирзиёевтің бейресми кездесуіне қатысты пікір білдірді.
Фото: akorda.kz
18:34 06.03.2023
«Екі ел арасында өзара сауда жақсы дамып келеді. Сонымен қатар, транзиттік әлеует пен мәдени байланыстарымыз жоғары деңгейде. Сондықтан аталған кездесудің Қазақстанның басқа қалаларында емес, нақты Шымкентте өтуі көңілге қонымды», - деді А. Смадияров ведомствода өткен апталық брифингіде.
Осы орайда мемлекет басшылары кездесіп, екі елге қатысты тақырыптарды емін-еркін талқылауы өте маңызды екенін айтты.
«Орталық Азиядағы елдердің басшылары кез келген уақытта кездесіп, бауырлас халықтар ретінде кейбір мәселелерді емін-еркін тақылауы қуантарлық жағдай», - деді ресми өкіл.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
