Ұсақ малдан анықталған күл ауруына байланысты ШҚО-дағы екі ауылда карантин жарияланды
Ұсақ малдан анықталған қой күлі ауруына байланысты Шығыс Қазақстан облысының Катонқарағай ауданына қарасты 2 ауылда карантин жарияланды. Бұл туралы «Ашық» НҚА порталында жарияланған елдімекен әкімінің шешім құжатында жазылған, деп хабарлайды ҚазАқпарат.
14:05 09.03.2023
«Катонқарағай аудандық аумақтық инспекциясы басшысының 2023 жылғы 7 наурыздағы ұсынысына сәйкес, Шығыс Қазақстан облысы Катонқарағай ауданы Катонқарағай ауылдық округінің Шыңғыстай, Жаңа Үлгі ауылдарында мүйізді ұсақ мал арасында қой күлі (оспа) ауруының пайда болуына байланысты карантин белгіленсін», - делінген Катонқарағай ауылдық округінің әкімі Қайрат Нұрқанов шығарған шешімде.
Қоса кетсек, бұған дейін Қарағанды облысындағы ауылда ірі қарадан қарасан анықталып, карантин жарияланған еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
