Атырауда 3 гектар аумақта қамыс өртенді
Атырауда канал жағасындағы 3 гектар аумақта қамыс өртенді.
Фото: Көрнекі сурет
09:01 16.03.2023
Облыстық төтенше жағдайлар департаменті қоғаммен байланыс тобының мәліметінше, қамыс өрті туралы 15 наурызда сағат 16:38-де хабар түскен.
«Атырау қаласының маңындағы Новокирпичный елді мекенінде орналасқан каналдың жағасында қамыс өртенді. Жалынды сөндіруге өрт сөндіру және авариялық-құтқару жедел қызметінің 9 қызметкері мен 3 арнайы техника тартылды. Өрт сөндірушілер оқиға орнына жеткен кезде «Атақоныс» шаруа қожалығының аумағында далалық шөптің жанып жатқаны анықталды. Қамыс өрті 3 гектар аумаққа жайылған. Жалын кешкі сағат 19:50-де толықтай сөндірілді», - деп хабарлады департаменттің қоғаммен байланыс тобынан.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
