Алматы облысының Төтенше жағдайлар департаменті көлік жүргізушілеріне үндеу жасады
Алматы облысы Төтенше жағдайлар департаменті баспасөз қызметінің хабарлауынша, 19 наурыз күні сағат 11:00-ден бастап республикалық маңызы бар барлық жолда көліктің барлық түрі үшін қозғалыс ашылды, деп хабарлайды Zakon.kz.
Фото: Zakon.kz
15:58 19.03.2023
Төтенше жағдайлар департаменті азаматтарды алыс қашыққа сапарға шықпауды және 112 қызметі жіберетін SMS хабарламаларды назардан тыс қалдырмауды сұрайды. Ведомство ұзақ сапарға шығарда ауа райы болжамымен танысуды ескертті. Төтенше жағдайларда көмектесетін барлық қажет затты өзіңізбен бірге алып жүру керек екенін де қоса кетті.
18 наурыз күні сағат 22:00-ден бастап ауа райы жағдайының нашарлауына, жауын-шашынға, қарлы боранға, көріну мүмкіндігінің шектелуіне байланысты Ақсай-Чунджа-Көлжат автожолының (46-153 шақырым) бөлігінде көлік қозғалысы жабылған еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
