Шахтинскіде жаппай төбелес болып, оқ атылды
Шахтинскіде полицейлер төбелесті тоқтату үшін аспанға оқ атуға мәжбүр болды, бұзақылар түгелдей бөлімшеге жеткізілді, деп хабарлайды polisia.kz телеграм каналы.
Фото: Видеодан алынған кадр instagram.com/dorogi_karagandy
13:29 24.03.2023
22 наурыз күні сағат 23:50 шамасында Шахтинск полиция бөлімінің кезекші бөліміне қаладағы түнгі көңіл көтеретін орындардың бірінің маңында кикілжің болып жатқаны туралы хабарлама түскен. Оқиға орнына тез арада сол маңға жақын патрульдік полиция жасағы жіберіледі.
«Белгісіз адамдардың қатысуымен төбелес болып жатқаны анықталды. Құқыққа қайшы әрекеттерді және ауыр зардаптарды болдырмау мақсатында полиция қызметкерлерінің бірі аспанға ескерту ретінде оқ атты. Оқиғаға қатысушылардың барлығы полиция бөліміне жеткізілді», - деді полициядан.
Аталған дерек бойынша ҚР ҚК-нің 293-бабы 2-бөлігіне («Бұзақылық») сәйкес қылмыстық іс қозғалды. Тергеу амалдары жүргізіліп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
