Алматыда жаңа электр станциясы іске қосылады
Алматыда биыл «Нұршашқан» және «Қайрат» шағынаудандарын тұрақты электрмен қамтамасыз ету үшін қосалқы электр станциясы іске қосылады.
Фото: Zakon.kz
12:40 30.03.2023
Бұл туралы Алматы әкімі Ерболат Досаев Түрксіб ауданының тұрғындарымен кездесу кезінде айтты.
«Нұршашқан» және «Қайрат» шағынаудандарын тұрақты электрмен қамтамасыз ету үшін биыл «Тұздыбастау» электр қосалқы станциясы пайдалануға беріледі. Ол 2500-ден астам абонентті қамтиды. Қазіргі таңда подстанцияның өзі салынған, жекеменшік аумақтар арқылы кабель желісін жүргізу үшін инженерлік дәлізді келісу мәселесі ғана қалды», - деді Ерболат Досаев.
Ол сондай-ақ биылғы жылдың желтоқсан айында «Әлмерек», «Нұршашқан» және «Шуақты» шағынаудандарында электр беру желілерін жаңғырту жұмыстары аяқталатынын жеткізді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
