Түркістанда жоғалған 11 жасар қыздың мәйіті каналдан табылды
Түркістанда жоғалған 11 жасар қыздың мәйіті «Арыс-Түркістан» каналынан табылды.
Фото: Түркістан облысы ТЖД
11:24 30.03.2023
Түркістан облысы Төтенше жағдайлар департаментінің Жедел-құтқару жасағының құтқарушылары осындан 5 күн бұрын Түркістан қаласында жоғалған қыздың денесін тапты. Оқиға орнынан 11 шақырым жерден мәйітті судан алып шықты.
«Іздестіру құтқару жұмыстарына Түркістан облысы Төтенше жағдайлар департаментінің 112 жеке құрамы, 1 квадрокоптер, 7 техникасы және жедел құтқару жасағының 5 сүңгуірі, 2 жүзу қайығы, 1 техникасы жұмылдырылды. Полиция департаментінен 20 адам, 4 техника, жергілікті атқарушы органнан 2 адам, 1 техника көмекке келді», делінген Түркістан облысы Төтенше жағдайлар департаментінің баспасөз қызметі таратқан хабарламада.
Еске сала кетейік, 25 наурыз күні шамамен сағат 17:00 шамасында кәмелет жасқа толмаған қыз бала үйінен ойнауға шығып кетіп, қайта оралмаған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
