Екі жасөспірім кісі өлтіру күдігімен қамалды
Алабама штатында туған күн кешінде болған атыстан кейін екі жасөспірімге кісі өлтіру қылмысы бойынша айып тағылды.
Фото: ашық дереккөзден
09:48 20.04.2023
Полициядан хабарланғанындай, ағайынды Тай Рейк Маккалоу (17 жаста) мен Трэвис Маккалоу (16 жаста) сейсенбі күнгі кеште қамауға алынған. Билік олардың әрқайсысына 4 тармақ бойынша айып тағылғанын мәлім етті. Айыптаулар саны әлі де артуы мүмкін. Прокурордың айтуынша, күдіктілерге кәмелетке толғандар ретінде айып тағылмақ.
Сәрсенбіде өткен баспасөз мәслихатында ресми тұлғалар бұл Дайдвилдегі атыс оқиғасы бойынша тергеудің басы ғана екенін жеткізді. Алайда, әзірге берілген ақпарат өте аз. Қылмыстық себебі немесе қарудың түрі сияқты мәліметтер айтылмады.
Полиция зардап шеккен 32 адамның төртеуі әлі де ауруханада жатқанын мәлімдеді, тағы төртеуінің жағдайы ауыр.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
