Риддердегі жылу орталығында екі күнде 3 ақау шықты
Шығыс Қазақстан облысы Риддер қаласындағы жылу электр орталығында екі күнде 3 ақау шықты.
Фото: primeminister.kz
09:04 27.04.2023
«Риддер ЖЭО» АҚ мәліметіне сүйенсек, бірінші ақау 22 сәуір күні шыққан.
«Отын беру трактында ақау болып, оны жөндеуге 9 сағат уақыт кетті. Ал 23 сәуірде №4 қазандық апаттық жағдайда өшірілді. Бірден резервте тұрған екінші қазандық іске қосылды. Бірақ бес сағаттан кейін екінші қазандықта да ақау болды. Мамандар шұғыл түрде қалпына келтіру жұмыстарын қолға алды», - делінген ақпаратта.
25 сәуірде бесінші қазандық қайта іске қосылған. Қазір орталықта екі орта қысымды қазандық жұмыс істеп тұр.
Айта кетейік, Риддерде жылу маусымы 29 сәуір күні аяқталмақ.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
