Атырау облысында жол апатынан екі адам қаза тапты
Атырау облысында жол-көлік оқиғасы салдарынан екі адам қаза тауып, тағы 4 адам жарақат алды, деп хабарлайды polisia.kz.
Фото: polisia.kz
09:07 06.05.2023
5 мамырда сағат 20:10 шамасында республикалық маңызы бар Доссор-Құлсары-Бейнеу тас жолының 64 шақырым тұсында Toyota автокөлігінің 1988 жылы туған жүргізушісі көліктің рөліне ие бола алмай, жол жиегіне аударылып кетті.
Оқиға салдарынан 4 адам аудандық ауруханаға жеткізіліп, көлік жүргізушісі мен 1962 жылы туған жолаушысы оқиға орнында қаза тапты.
Аталған дерек бойынша қазіргі таңда тергеу амалдары жүргізілуде. Өзге ақпарат ҚР ҚПК-тің 201-бабына сәйкес жариялануға жатпайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
