Талдықорғанда екі күнде екі баланы көлік қағып, мерт қылды
Талдықорғанда екі күнде екі баланы көлік қақты. Бүлдіршіндер оқиға орнында көз жұмды.
12:38 06.05.2023
Бірінші жағдай Көктал шағынауданында болды. Көшеде ойнап жүрген үш жасар бала ассинизатор көлігі – Газ-53-тің, астында қалып қалған. Жүк көлігінің рулінде 43 жастағы ер адам болған.
Екінші жағдай Талдықорған – Үштөбе айналма жолында тіркелді. Қоғамдық көліктен түскен 8 жасар оқушы қызды жолдан өте берген кезде Газель қағып кеткен.
Екі жағдай бойынша іс қозғаған тәртіп сақшылары ата-аналарды өз балаларына сақ болуын ескертеді.
«Екі фактіге қатысты қажетті сараптамалар тағайындалып, ҚР Қылмыстық кодексінің 345-бабы 3-бөлігінде көзделген сотқа дейінгі тергеу амалдары жүргізілуде. Екі көлік те арнайы автотұраққа орналастырылды», - деді Жетісу облыстық Полиция департаменті баспасөз қызметінің ресми өкілі Әлия Жұмаділова.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
