Өскеменде өртенген үйден анасы мен баласы құтқарылды
ШҚО Төтенше жағдайлар департаменті баспасөз қызметінің мәліметіне сүйенсек, өрт 9 мамыр күні қаладағы Металлургтер көшесінде орналасқан тұрғын үйдің екінші қабатынан шыққан.
Фото: ашық дереккөзден
09:02 10.05.2023
Түтін тұмшалаған подъезден 15 тұрғын сыртқа өз бетінше шыққан. Өрт сөндірушілер оқиға орнына келіп жеткенде қызыл жалын пәтер ішіндегі жиһаз бен жеке заттарды шарпып үлгерген.
«Жылдам әрекет еткен №7 өрт сөндіру бөлімінің қызметкерлері іштегі ана мен баласын құтқарып қалды. Сондай-ақ бөлмелердің бірінен газ баллонын шығарып үлгерді. Тілсіз жаудың шығуына электр жабдықтарын монтаждау және пайдалану кезінде өрт қауіпсіздігі ережелерін сақтамау себеп болуы мүмкін», - делінген ақпаратта.
Айта кетейік, өртті сөндіруге барлығы 4 техника мен жеке құрамнан 15 адам жұмылдырылды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
