Павлодарда өртенген үйден жасөспірім баланың денесі табылды
11 мамырда сағат 02: 00 шамасында Галицкое ауылындағы Интернациональная көшесіндегі жеке тұрғын үйден өрт шыққан.
Фото: Павлодар облыстық ТЖД
19:15 11.05.2023
Pavlodarnews.kz мәліметінше, өрт сөндірушілер келіп жеткенде бес бөлмелі кірпіштен жасалған тұрғын үй отқа оранып, жартылай қираған шатырдың ағаш құрылымдары, тұрмыстық заттар, жиһаздар жанып жатқан.
Өрттің жалпы ауданы 250 шаршы метрді құрады. Өз бетімен төрт адам эвакуацияланған.
"Өрт салдарынан зардап шеккен 1986 жылғы үй иесі Павлодар қаласындағы №1 ауруханаға жатқызылды. Ер адамның денесін ІІ-ІІІ дәрежелі 30 пайыз күйік шалған, жағдайы орташа ауыр деп бағаланады. Тілсіз жау сағат 03.52-де оқшауланып, сағат 04.40-та сөндірілді. Сағат 05.05-те дәліздегі үй құрылыстарын бөлшектеу және өртті жою кезінде 2012 жылғы ер баланың денесі табылды", - деді Павлодар облысы ТЖД баспасөз қызметі.
Өртті сөндіруге төтенше жағдайлар департаментінен үш техника мен 7 қызметкер, сондай-ақ 101 және 103 қызметтері жұмылдырылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
