Қазақстандық бес боксшы әлем чемпионатының финалына шығу үшін таласады
Ташкентте ерлер арасында бокстан өтіп жатқан әлем чемпионатында бүгін бес қазақстандық спортшы жартылай финалда өнер көрсетеді.
Фото: instagram.com/boxingkazakhstan
09:02 12.05.2023
Қазақстандықтардан Астана уақытымен сағат 15.00-де басталатын күндізгі сессияда алғашқы болып Санжар Тәшкенбай шығады.
Санжар аса жеңіл салмақта Ресейдің төрт дүркін чемпионы Эдмонд Худоянмен қолғап түйістіреді.
Іле-шала Махмұд Сабырхан 54 келіге дейінгі салмақта 2017 жылғы әлем чемпионы әрі екі мәрте жүлдегері, кубалық Йосвани Вейтиямен финалға шығу шығу таласады.
Дулат Бекбауовқа (67 кг) грузиялық Лаша Гурули қарсы тұрмақ.
Сағат 19.00-де басталатын кешкі сессияда ұлттық құрама капитаны Асланбек Шымбергенов (71 кг) үндістандық Нишант Девтен өтуге тырыспақ. Ал Нұрбек Оралбай (80 кг) Токио олимпиадасының қола жүлдегері, ресейлік Имам Хатаевпен жұдырықтасады.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
