Азамат Бекет Ақтөбе қаласының әкімі болып тағайындалды
Бұған дейін Ақтөбе облысы Хромтау ауданының әкімі болған Азамат Бекет енді Ақтөбе қаласын басқарады. Ол қалалық мәслихаттың келісімімен тағайындалды, деп хабарлайды ҚазАқпарат тілшісі.
Фото: atpress.kz
16:52 26.06.2023
ҚР Президенті Әкімшілігінің және қалалық мәслихаттың келісімімен Азамат Бекет Ақтөбе әкімі лауазымына тағайындалды.
Ол Қазақ гуманитарлық-заң университетінің, Экономика және құқық академиясының түлегі. 2016 – 2018 жылдары Батыс Қазақстан, Атырау облыстарының Дене шынықтыру және спорт басқармасының басшысы лауазымдарында қызмет атқарған.
2018 – 2020 жылдары Атырау облысы Жылыой ауданының әкімі болып еңбек еткен.
2020 – 2021 жылдары Ақтөбе қаласы әкімінің орынбасары қызметін атқарған.
2021 жылдың ақпан айынан Ақтөбе облысының Хромтау ауданының әкімі лауазымын атқарып келді.
Азамат Бекет бокспен шұғылданған. Ол 1997 – 1999 жылдар аралығында жасөспірімдер арасында ҚР чемпионы болды. Ал 1999 – 2001 жылдар арадығында жастар арасында ҚР чемпионы болды. Түрлі халықаралық турнирлерде Қазақстан құрамасында өнер көрсетті әрі қаржы полициясының капитаны шені бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
