Араб Әмірліктерінде санаулы минутта көпқабатты үйді өрт шарпыды
Біріккен Араб әмірліктерінің Аджман қаласында көпқабатты тұрғын үйді өрт шарпыды, деп хабарлайды ҚазАқПарат.
17:34 27.06.2023
Ajman One кешенінің 02 мұнарасында өрт шықты. Жалын санаулы минутта бірнеше қабатты шарпыды. Оқиға орнына дереу жеткен өрт сөндірушілер полиция және азаматтық қорғаныс топтарының бірлескен күшімен тілсіз жауды ауыздықтай алды.
Зардап шеккендер туралы мәлімет жоқ. Өрт аумағынан эвакуацияланған тұрғындар Аджман мен Шардж қонақүйлеріне жеткізілді. Әлеуметтік желіде тараған видеодан құтқарушылардың биік ғимараттың бірнеше қабатына тарап үлгерген отты ауыздықтауға бар күшін салып жатқанын көруге болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
