Батыс Қазақстанда жер өртеніп жатыр
Батыс Қазақстан облысында жер өртеніп жатыр, деп хабарлайды ҚазАқпарат тілшісі.
Фото: polese.by
17:32 09.07.2023
БҚО ТЖ департаментінің баспасөз қызметінен түскен мәліметке қарағанда, оқиға 9 шілде күні Теректі ауданы Шалқар ауылдық округінде болды.
«Сағат 11.03-де Сарыөмір ауылынан 10 шақырым жерде шамамен 10 гектардай аумақта құрғақ шөп отқа оранды. Оқиға орнында ерікті өрт сөндіру құрылымы жұмыс жасауда. Сондай-ақ өрт сөндірушілер де барды. Сағат 12.20-да күш-құралдарды үйлестіру үшін ТЖ департаментінің жедел штабы құрылды», деп хабарлады ведомстводан.
Далалық жердің өртеніп жатқаны Шалқар көлі жағасында демалып жатқандарға да анық көрінеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!