Каспий жағалауындағы қамыс өртіне 500 тонна су төгілді, от ошағы әлі бықсып жатыр
Атырау облысында Каспий жағалауындағы қамыс өртіне 501 тонна су төгілді. Әлі 2 гектарда қамыс бықсып жатыр, деп хабарлайды ҚазАқпарат.
18:49 11.07.2023
Атырау облыстық төтенше жағдайлар департаментінің қоғаммен байланыс тобынан мәлім еткендей, қамыс өртіне әлсін-әлсін аэровизуалды тексеру жүргізіліп отыр.
«Аэровизуалды тексеру жүргізілгеннен кейін қамыс өртін әуе және жерүсті тәсілімен сөндіруге шешім қабылданды. Каспий теңізінің жағалауындағы қамыс өрті 830 гектар аумақты шарпыды. Қазір 2 гектарда қамыс әлі бықсып жатыр. Төтенше жағдайлар министрлігіне «Қазавиақұтқару» АҚ-ның МИ-8 тікұшағымен 167 рет су төгілді. Қамыс өртіне төгілген су көлемі шамамен 501 тоннаны құрады», -леп хабарлады департаменттің қоғаммен байланыс тобы.
Өртті сөндіру жұмыстары жалғасып жатыр. Оған облыстық төтенше жағдайлар департаменті мен «Ақжайық» мемлекеттік тбиғи резерватынан 85 адам мен 14 техника жұмылдырылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
