«Астана-Петропавл» тасжолында жеңіл көлік бұланды соғып кетті
«Астана-Петропавл» тасжолында жеңіл көлік бұланмен соқтығысып, екі адам ауруханаға жатқызылды, деп хабарлайды Ақмола облыстық ПД баспасөз қызметі.
Фото: Ақмола облысы полиция департаменті
17:18 17.08.2023
Ведомствоның мәліметінше, жол-көлік оқиғасы «Астана-Петропавл» тасжолының 282 шақырымында түнде болған.
«Сағат 23:30 шамасында Щучье бағытында жүріп келе жатқан Audi-80 көлігі «Астана-Петропавл» автожолының 282-ші шақырымында жолдың үстіне шығып кеткен бұланды қағып кетті. Салдарынан көлік жүргізушісі мен 28 жастағы жолаушы түрлі дене жарақатымен ауруханаға жатқызылды», - деді ведомстводан.
Осы ретте, тәртіп сақшылары көлік жүргізушілеріне жолға шыққанда абай болуға және жылдамдық режимін сақтауға шақырады.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
