Депутат елде уахабистерге жағдай жасауға көмектесетін мемлекеттік қызметкерлер бар екенін айтты

Бапидің айтуынша, соңғы бірнеше жылда исламның жат ағымдары қазақ қоғамында қалыптасқан әлеуметтік нормаларға қауіп төндіре бастады – бұл қауіптер күшейіп келеді.

«Бұл қауіптер қоғамдық құрылымға нұқсан келтіре бастады, сонымен қатар мемлекеттік тұтастықты сақтауға, ұлттық бірлік дәстүрлеріне, қазақ халқының дамуы мен мыңдаған жылдар бойы қалыптасқан қазақтардың исламдық өмір салтына қатысты мәселелер туғызды. – деді депутат.

Мәжіліс депутаты атап өткендей, халықтың діни сауатының төмендігін пайдаланып, деструктивті діни топтар жалған рухани құндылықтар мен жат дәстүрлерді енгізуге тырысуда. Олардың идеялары еліміздің батыс аймақтарында, сондай-ақ Алматы және Ұлытау өңірлерінде белсенді түрде таралуда. Парламентарийдің айтуынша, радикалды идеяларды жақтаушылар мемлекеттік қызметшілер арасында да, биліктің жоғары деңгейінде де кездеседі.

Мұндай жағдайда парламентарий сырттан бақылаушылардың қатысуын өте қажет деп санайды.

«Біз үкімет пен Парламентті ұлттық бірлікті сақтау және мемлекеттің тұрақты дамуы үшін жағдай жасау мақсатында күш біріктіруге мүдделілік танытуға шақырамыз», - деді Бапи.

Осындай өтінішті оның «Ақ жол» партиясындағы әріптесі Қазыбек Иса да айтты. Депутат ұлттық мүддеге, дәстүрге, ұлттық бірлікке нұқсан келтіретін, мемлекетке қауіп төндіретін діни ағымдарға тыйым салатын заңнамалық өзгерістер енгізу қажет деп санайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!