Түркістанда автобус жер үйдің қабырғасын бұзып, ішіне кіріп кетті
Түркістанда болған жол апаты кезінде автобус жер үйдің қабырғасын бұзып, ішіне кіріп кетті, деп хабарлайды Kazinform.
Фото: СҚО ПД баспасөз қызметі
17:18 18.10.2023
Оқиға бүгін Түркістан қаласындағы көше қиылыстарының бірінде болды. «Хундай Акцент» автокөлігі №17 маршруттағы жолаушылар автобусымен соқтығысып, нәтижесінде автобус жеке үйдің қабырғасын бұзып, ішіне кіріп кетті.
«Апат салдарынан автобустың бірнеше жолаушысы жарақат алып, оларға медициналық көмек көрсетілді. Сондай-ақ үйде егде жастағы ер адам болған. Оның денсаулығына төніп тұрған қауіп жоқ»,-делінген Түркістан облысы полиция департаментінің баспасөз қызметі таратқан ақпаратта.
Қазіргі уақытта осы факті бойынша ҚР ҚК 345-бабымен «Көлік құралдарын басқаратын адамдардың жол жүрісі немесе көлік құралдарын пайдалану ережелерін бұзу» әрекеті бойынша сотқа дейінгі тергеу басталды.
Болған оқиғаның барлық мән-жайы анықталуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
