ҚТЖ бірқатар халықаралық келісімге қол қойды
Президент Қасым-Жомарт Тоқаевтың Қытайға ресми сапары аясында «Қазақстан темір жолы» ҰК» АҚ делегациясы бірқатар халықаралық іс-шараларға, оның ішінде «Бір белдеу, бір жол» үшінші халықаралық форумына қатысты, деп хабарлайды Kazinform.
Фото: «Самұрық-Қазына» қоры
10:40 19.10.2023
«Самұрық-Қазына» қоры баспасөз қызметінің мәліметінше, Қытай темір жолдарының басшыларымен, CRRC, Huawei, «Ляньюньган порты» МК» ЖШҚ және басқа серіктестермен кездесу өткізілді. Бірқатар құжатқа қол қойылды, соның ішінде: қытайлық ең ірі CRRC корпорациясымен локомотивтерді сатып алу туралы негіздемелік келісім және «Ляньюньган порты» МК» ЖШҚ-мен ынтымақтастық туралы келісім.
Кездесу барысында 10 жылдығы биыл аталып өтіп жатқан «Бір белдеу, бір жол» бастамасының негізгі буынына айналған Қазақстанның стратегиялық рөлі ерекше паш етілді.
Осы онжылдықта Қазақстан мен Қытай арасындағы контейнерлік жүк айналымы 6,5 млн контейнерден асты. Бұл ретте Қытай - Еуропа - Қытай бағытындағы көлем 100 еседен астам өсті (2013 жылғы 7,6 мың контейнерден 2022 жылы 790 мың контейнерге дейін).
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
