Параспортшы Ақмарал Науатбек Азиада чемпионы атанды
Қазақстандық Ақмарал Науатбек Азия параойындарының чемпионы атанды.
Фото: Туризм және спорт министрлігі
15:52 23.10.2023
Парадзюдодан екі мәрте әлем чемпионы Ақмарал Науатбек J2 санаты бойынша 48 келіге дейінгі салмақта топ жарды.
Ол финалда Рио паралимпиадасының жеңімпазы, қытайлық Ли Лицинді ұтты.
Осылайша Ақмарал Қазақстан қоржынына алғашқы алтынды салды.
«Жеңіс оңай келмейді, бірақ бүгін Ақмарал жеңіске деген құлшынысын көрсетті. Мен Ақмаралды жарқын жеңісімен құттықтаймын және боз кілемдегі еңбегі үшін алғыс айтамын», - деді ҚР Туризм және спорт министрі Ермек Маржықпаев.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
