ДДҰ басшысы қаза болған кеншілердің отбасыларына көңіл айтты
Дүниежүзілік денсаулық сақтау ұйымының басшысы Тедрос Адханом Гебрейесус Қарағанды облысындағы шахтада қаза тапқандардың отбасыларына көңіл айтты, деп хабарлайды Каzinform.
Фото: media.cnnchile.com
13:26 29.10.2023
Бұл туралы ол X желісіндегі (Twitter) парақшасында жазды.
“Бүгін Қазақстан халқы үшін өте қайғылы күн. Жақындарынан айырылған отбасыларға шын жүректен көңіл айтамын», - деп жазды ДДСҰ басшысы.
28 қазан күні сағат 2.33-те Қарағанды облысындағы «АрселорМиттал Теміртау» компаниясына тиесілі Костенко шахтасында жарылыс болды. Апат кезінде шахтада 252 адам болған, 205 кенші жер бетіне шығарылды. Соңғы мәлімет бойынша, қаза тапқандар саны 36 адамға жеткен.
Бас прокуратура Костенко шахтасындағы оқиғаға қатысты қылмыстық іс қозғады. Болжам бойынша, компанияның мәліметінше, лавада газ метанының жарылған. Оқиға орнында құтқарушылар жұмыс істеп жатыр. Штаб құрылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
