Бүгін жеті қалада ауа сапасы нашарлайды
7 қараша күні Қазақстан аумағының басым бөлігінде қолайлы метеорологиялық жағдай сақталады.
08:07 07.11.2023
«Қазгидромет» РМК баспасөз қызметі таратқан мәліметке сенсек, 7 қараша, сейсенбі күні еліміздегі қалалардың басым көпшілігінде метеорологиялық ахуал бірқалыпты болады.
Тек Астана, Алматы, Қарағанды, Теміртау, Өскемен, Семей және Риддер қалаларында ауа сапасы біршама нашарлайды.
Қолайсыз метеорологиялық жағдай — атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
