Бүгін еліміз бойынша тұман түсіп, жел күшейеді, көктайғақ болады - Қазгидромет
«Қазгидромет» РМК-сы қарашаның 20-сы күнгі күн райы болжамын жариялады.
Фото: Виктор Федюнин/ Kazinform
08:29 20.11.2023
Кәсіпорын таратқан деректерге қарағанда, Қазақстан Республикасының басым бөлігі солтүстік-батыс антициклонының ықпалында болады, күн жауын-шашынсыз болады деп күтілуде.
Тек республиканың батысында, қиыр шығысында, оңтүстік-шығысы мен оңтүстігінің таулы аудандарында циклон және онымен байланысты атмосфералық ағындардың әсерінен жауын-шашын (жаңбыр, қар), республиканың оңтүстік-шығысында кей уақытта түнде қатты жауын-шашын болады.
Қазақстан Республикасы бойынша тұман түсіп, жел күшейеді, батыс және солтүстік-батыста желдің екпіні 23-28 м/с-ке күшейіп, көктайғақ болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
