Алматыда қала маңына тағы бір автобус қатынайтын болды
26 қарашадан бастап Алматыда қала маңына қатынайтын №216 нөмірлі жаңа маршрут іске қосылды. Бұл туралы қалалық Мобильділік басқармасынан мәлім етті, деп хабарлайды Kazinform.
Фото: Алматы қаласы әкімдігінен
10:28 27.11.2023
Аталған маршрут Дәулет ауылы мен Алматы-1 теміржол вокзалы аралығында қызмет көрсетеді. Бағыттағы автобус саны – 5, қозғалыс аралығы – 45 минут.
Естеріңізге сала кетейік, Алматы агломерациясын дамыту аясында қалалық Мобильділік басқармасы 2023 жылы 25 елді мекенді қамтитын 10 қаламаңы маршрутын ұйымдастыруды жоспарлап отыр.
Бұған дейін 7 маршрут іске қосылған болатын.
Бұдан бөлек, 2024 жылдың соңына дейін қала маңына қатынайтын 20 жаңа бағыт ашылады. Олардың есебінен 50 елді мекен тұрақты жолаушылар автобусымен қамтамасыз етіледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
