Атырау облысында жүргізушінің көлігінен 56 келі бекіре тәркіленді
Атырау облысының 30 жастағы жүргізушінің көлігінен 56 келі бекіре тәркіленді.
Фото: Атырау облысы ПД
10:28 01.12.2023
Ол бағалы балықты заңсыз сатпақ болған, деп хабарлайды Kazinform. Облыстық полиция департаментінің баспасөз қызметінен мәлім еткендей, күдікті Махамбет ауданында ұсталған.
«Махамбет аудандық полиция бөлімінің қызметкерлері «Құқықтық тәртіп» республикалық жедел-профилактикалық шарасы кезінде Lada Kalina автокөлігін тоқтатып, тексеру жүргізді. Жүргізушінің көлігінен бекіре тұқымдас балықтың 15 данасы табылды. Балықтың салмағы – 56,6 келі. Бекіре тұқымдас бағалы балық тәркіленді. Жеңіл көлік жүргізушісінің бағалы балықты сатпақ болғаны анықталды», - деп хабарлады департаменттің баспасөз қызметі.
Қазір ұсталған жүргізушіге қатысты ҚР Қылмыстық кодексінің 339-бабы 1-бөлігімен сотқа дейінгі тергеу амалы басталды. Өзге ақпарат ҚР Қылмыстық-процестік кодексінің 201-бабына сәйкес жарияланбайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
