Шығыс Қазақстанда жол апатынан 4 адам көз жұмды
Шығыс Қазақстан облысындағы «Өскемен-Шемонаиха» тасжолында жол апатынан 4 адам қаза тапты, деп хабарлайды Kazinform.
Фото: ШҚО ПД баспасөз қызметінен
17:12 03.01.2024
ШҚО Полиция департаменті баспасөз қызметінің мәліметіне сүйенсек, жол-көлік оқиғасы 2 қаңтарда «Өскемен-Шемонаиха» тасжолының сегізінші шақырымында болған.
«Уварово ауылына бұрылысқа жақын жерде Toyota Corona Premio мен Tayota Vista көліктері соқтығысқан. Соның салдарынан төрт адам қаза болды. Оның екеуі кәмелеттік жасқа толмаған», - деп хабарлады ведомство өкілдері.
Қазіргі уақытта аталған факті бойынша ҚР Қылмыстық Кодекстің 345- бабы 4-бөлігімен (Абайсызда екі немесе одан көп адамның өліміне әкеп соққан жол қозғалысы ережелерін бұзу) сотқа дейінгі тергеу амалдары жүргізілуде. Тиісті сараптамалар тағайындалған. Оқиғаның мән-жайы анықталып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
